事業型孕婦熱門補品 滴雞精坐月推薦

由陀唯B開始到生完唯妹，唯一一款可以同唯爸一齊share、仲要無斷過有繼續用嘅孕婦補品應該就係滴雞精。我本身體質偏寒，唯爸就中性體質，但係差唔多我飲嘅滴雞精，唯爸都可以飲埋一份，咁佢當然就唔可以飲過量啦。

記得啱啱有咗唯B嗰時，因為唯婆婆同唯嫲嫲兩個都冇照顧過孕婦，基本上我都係半摸索咁去揾啱自己嘅孕婦補品，行吓BB展，聽吓朋友同公司同事分享，仲有上網做各樣research咁。嗰時好快揀好各款葉酸同DHA補充品，唯獨滴雞精就揀左好耐都未決定到。想飲滴雞精主要嘅原因係想戒咖啡同濃茶但又想提神，但因為對滴雞精始終比較陌生，所以花咗好多時間研究。

每間滴雞精品牌當然都會話自己有幾好，有幾多protein，滴雞精加咗幾多名貴既藥材呀等等，但我好少完全信晒。之前list咗以下孕婦補品條件做比較，只要邊款滴雞精品牌符合得最多，就去買邊款。

一、孕婦補品睇食品安全檢測，產品認可有效？
作為一個精明嘅消費者，無論你嘅身體狀態係咩，第一樣要睇嘅非食品安全莫屬了。大部分喺香港可以買到嘅滴雞精／花膠精／熬雞精／魚精，我都試飲過，大部份味道都唔錯，我會比較喜歡飲雞嘅多啲。經我試過嘅品牌其實都有ISO／SGS／HACCP／香港醫護學會嘅認證，產品符合安全規格。

孕婦補品嘅資料越充足，越能讓我放心。好多滴雞精品牌都有喺官網貼出證書，以證明佢哋嘅滴雞精產品符合成分標籤、安全標準、胺基酸含量等等。但呢d證書其實都無辦法證明各品牌嘅滴雞精產品符合佢地所講嘅功效。不過，田原香係例外㗎！田原香滴雞精係唯一一間提供到由台灣衛生署健字號發出嘅產品認證，證實佢地嘅滴雞精產品有效對抗疲勞以及可以調節免疫力，對抗疲勞正正係我想飲滴雞精嘅主因。

另外田原香亦係亞洲唯一一間一條龍經營嘅滴雞精品牌，由台南自家農場飼養無激素自然放山養土雞，到生產再到零售，絕對可以即時追溯滴雞精原材料品質。

二、滴雞精含有幾多蛋白質都係其次，重點係適合自己身體嗎？
好嘅蛋白質可以從好多食物中吸收，孕婦補品唔一定要單靠滴雞精，反而要知點樣可以做到補而不燥或者唔會補錯，呢啲都要靠滴雞精裏面嘅成份調配。普通人補錯咗可能停用一排就可以復元，但如果你係孕婦，用滴雞精做孕婦補品嘅話就千萬唔可以隨便喇，因為係關乎到嬰兒同媽咪兩個共同體㗎，後果可大可小。

呢樣都係我最後揀咗田原香滴雞精做孕婦補品嘅原因，因為佢地有17種唔同成分/口味嘅滴雞精，每款滴雞精經由專業中醫師同營養師調配，照顧唔同體質，大家可以因應自己嘅體質去選擇。

我喺產前習慣飲杜仲滴雞精；有安胎、清胎毒同改善腰痛嘅功效，算係孕婦補品嘅口味，唯爸都飲得，可以補腰。產後就鍾意飲王不留行滴雞精，有助上奶。近排天氣轉季就飲緊唯婆婆同唯嫲嫲至愛嘅冬蟲夏草滴雞精，係半個滴雞精專家嘅唯婆婆同番我講冬蟲夏草滴雞精係可以減輕鼻敏感症狀㗎，但work唔work呢就要再keep住飲落去先知啦。

三、付出同樣價錢，收到嘅滴雞精質素成正比嗎？
有人話土雞做孕婦補品好，有人話老母雞做孕婦補品好，有人話少爺雞做孕婦補品好。

人人對雞種嘅睇法都唔同，但我肯定嘅係，花一大筆錢去買孕婦補品，大家都會想買到一分錢一分貨嘅產品。

滴雞精最主要嘅材料係雞；假設一個品牌選用老母雞又或者有加水，而另一個品牌用free-range土雞加上全程都唔加水。單單睇佢地嘅成本已經差天共地了，所以就算售價一樣，選用free-range土雞嘅滴雞精一定比用老母雞嘅滴雞精更加抵買，因為free-range土雞嘅成本同營養價值比生蛋淘汰老母雞高出3倍。最平唔一定好，最貴都唔代表有齊實料。各品牌中間嘅差額去咗邊呢？呢個我就唔清楚，想知就要問番各大滴雞精品牌喇。

飲滴雞精飲到今時今日，我哋一家亦只信任品質、源頭有得追溯、兼且一分錢一分貨嘅田原香。

（以上資訊由產品贊助商提供）