實用推介:防水、安全無毒好玩餐墊,讓小朋友做個環保小畫家



B一歲半前,帶佢出街食飯都尚算輕鬆,俾玩具佢,同佢傾下偈,一齊食下嘢都可以令佢乖乖坐一小時。

但自從佢長大後,普通玩具已經唔能夠令佢坐定定。最近發現咗原來佢好鍾意拎住枝筆畫畫,收到呢個新玩意RAINBOW MAT 彩虹創意塗鴉餐墊,即時俾佢試下,睇下係咪可以令佢坐定定一陣先。

先睇下佢有咩好處!

第一、環保
餐墊可多次循環再用;只要用附上嘅水洗筆喺餐墊上畫畫,畫完之後用少少水一抹餐墊或者直接拎去沖洗,就會乾淨晒!



第二、安全物料
餐墊不含塑化劑等有毒物質,安全無毒,小朋友可以放心使用



第三、食玩兩用
餐墊底面是圖畫,可以讓小朋友發揮創意;而餐墊表面是….餐墊(哈哈!)可以讓小朋友擺放餐具進食,食污糟咗,只需用水抹一抹就乾淨,而且係防水,唔驚小朋友倒瀉水,弄濕餐墊

第四、餐墊圖案很可愛
Rainbow Mat餐墊共有4款,包括大象與長頸鹿、熊貓、太空AZ及海底探索數字。每款都色彩繽紛,能夠吸引到BB嘅注意之外,更加可以令佢哋邊畫邊學習。




第五、輕便
父母平時帶小朋友出街已經要一袋二袋,呢張餐墊好輕便,摺埋就可以放入袋




試用報告:
試用過兩次,唯b的確被張餐墊嘅圖案吸引咗,冇嚷著要落地,或者尖叫,等我同爸爸可以安享晚餐。當然佢仲好細個,唔會識跟住A-Z畫同埋油顏色,只係不停讀ABC…..同埋自由發揮畫畫,足以令佢開心一小時了(父母有一小時用餐時間已好滿足喇)。除咗畫墊,唯b間唔中都有畫下自己對手,好彩用濕紙巾抹都幾易抹得甩。總結嚟講,以呢個價錢,係幾抵!


留言

熱門文章