點揀碗俾BB好？C牌VS eLIpse Kids

無論用BLW定傳統餵食加固，bb到差唔多一歲都可以開始學用餐具喇。初期佢哋多數都會玩吓掉吓，照顧者最緊要保持耐性，鼓勵但不勉強佢哋用，慢慢一定會有進步💪🏻

悠悠自十個月開始就嘗試緊，而家越嚟越好喇。我覺得除咗需要一套易控制嘅餐具之外，一個好嘅碗都好重要！

對初學b嚟講，個碗最緊要有防溢碗邊設計同吸盤底部；前者可以令bb潷食物時，冇咁易潷出碗，有成功感係令佢哋不斷嘗試嘅原因嚟㗎；後者可以將碗吸實張枱，等bb唔會一手就推跌隻碗。

成日都有媽媽問有咩碗推介，我就試過兩個牌子（eLIpse Kids及C字品牌）都有上述功效㗎！老實講，我當初係分唔到佢哋😂但既然係兩個唔同嘅牌子，梗係會有啲唔同嘅，所以就勾起我嘅興趣去睇吓佢哋究竟有咩唔同喇！

先介紹吓兩個品牌啦。佢哋雖然似，但當中絕對冇任何抄襲成份：C字品牌同eLIpse Kids 係同一個專利設計，兩者都喺美國設計㗎，只係C牌嘅發明者同新加坡品牌eLipse Kids 簽咗「技術共同投資協議」，並同C牌公司達成協議共享專利。唔同嘅地方係，eLipse Kids 喺新加波製造，亦只可以喺北美境外嘅地方發售。兩個牌子嘅碗都有美國FDA認證，不含BPA/BPS，而eLIpse kids更加係用原生塑膠，比起用再造塑膠製造嘅C牌更安全可靠。

講完背景，一齊睇吓以下比較，睇完話我知你會點揀？

右邊係eLIpse Kids，左邊係某C字品牌

我會從三方面比較俾等大家參考吓。

1. 碗邊、深度、闊度

兩個碗嘅碗邊同深度都接近一樣，C牌碗面闊度略大，但兩者同樣可裝12安士嘅食物。唔好睇小呢條專利碗邊，bb一想潷出界，食物就會順勢跌返入匙羹㗎喇。

2. 碗嘅吸啜力

eLIpse Kids嘅吸盤邊較闊，吸盤覆蓋面較大，所以吸得會比較實。C牌吸喺枱上後有個小虛位，有機會俾bb扯起。吸得實好緊要㗎，唔會俾bb容易拎起個碗，倒瀉晒啲食物嘛。

3. 碗蓋

eLIpse Kids個蓋易蓋啲，但C牌要壓好幾個位先蓋到。不過，兩者都算蓋得實，睇吓，啲水係唔會流出嚟嘅！

睇埋條片，你又會點揀呢？