【Let's Smash the Cake】想影CAKE SMASH連家庭相？ 內文有優惠詳情！

一直好想俾妹妹影Cake Smash🍰相，但因為疫情關係冇book到，到疫情減退嘅時候，想book又full晒。正當已經接受咗呢個小遺憾嘅時候，突然機會來了！仲有幸去到深受父母歡迎嘅「Fairy Tale Studio光影童話」度影。如果你想同小朋友影家庭相兼Cake Smash相，就要留意我以下嘅介紹喇，仲有我嘅讀者優惠，所有正價package都有discount㗎😍

一上到去studio，見到有強大嘅攝影團隊，感覺好認真同專業。先嚟有幾位靚姐姐同兩兄妹warm up，到真係影嘅時候又有兩位氹佢哋笑，連慢熱又怕醜嘅妹妹都俾姐姐嘅熱情溶化咗喇！

介紹吓啲場景先，家庭場景以好夢幻嘅粉紅色同紫色為主題（充滿妹妹鍾意嘅獨角獸嘅感覺），而Cake Smash就有超過30個場景俾大家揀，唔同場景都有專屬嘅蛋糕、服飾同頭飾，全部都包晒喺package度。我哋揀咗阿拉丁神燈場景 ，有埋唯b特別客串扮阿拉丁，更加有紀念價值😚

本來扭緊眼瞓嘅妹妹一到Cake Smash環節就好精神，因為有得食嘛！Studio提供嘅蛋糕少糖又少油，如果對蛋敏感嘅話都可以事先向studio提出作特別安排。現場嘅姐姐讚妹妹食蛋糕食得好好，完全對cream冇抗拒，好主動放入口食，係咪睇相都睇到佢為食嘅一面呢😆 見佢食得咁開心，我就加咗「Cake Smash環節錄影服務」，攝影師拍完成個過程後會剪輯成短片。一世人大概只會玩一次Cake Smash，梗係要好好記錄啦💗 有興趣就睇吓我哋條片啦😉

可能有媽媽會問，過咗一歲又識行仲可以影到Cake Smash嗎？我覺得係可以㗎，雖然妹妹已經一歲，行得好快又坐唔定，但面對住個蛋糕，又有我哋陪玩同氹佢笑，佢好順利就影到✌

最後，真心要讚讚攝影師嘅效率！妹妹當日有啲扭眼瞓，攝影師喺佢斷電之前就影晒需要影嘅相，仲捕捉到兩小笑得最可愛又精神嘅一面添💪

睇完介紹心動嗎？而家仲可以優惠價影所有正價攝影套餐呀（包括Cake Smash、孕媽媽🤰🏻、初生B、兒童主題拍攝、學生相、Bubble Bath 等packages）！只要去我個Facebook Page原post留言「我想要唯媽專屬讀者code」，我就會喺兩日內pm你優惠詳情喇！

想睇多啲相，可以去佢哋個Facebook Page  😊