【產前講座】2019年美贊臣產前講座內容及禮物分享

上胎逢講座都聽，今胎懶咗好多，只係去咗美贊臣講座，因為近屋企，地點係將軍澳嘅香港九龍東皇冠假日酒店。

一到場地先出示QR Code核對身分，之後就見到幾個區域：

即影即有：影完之後upload上Facebook就可以得到滴露消毒濕紙巾一包。

互動遊戲：玩完之後會送一個bb車掛袋。

仲有試DHA counter同埋以$99買原價$406嘅體驗裝（Enfinitas媽媽藻油DHA及Enfamil 維生素D補充劑各一樽）。

第一部分嘅講座由婦產科醫生主講，題目係「分娩過程知多少」。

內容大概係圍繞：懷孕期、生產過程、剪會陰、止痛方法同生產方法等等，時間大約一小時，之後就係break time。

第二部分係由兒科醫生講嘅「初生嬰兒照著顧小貼士」。出生後身體檢查，例如蒙古斑、血管瘤等等、初生嬰兒常見問題、bb食量、母乳好處等，資料都幾實用。

差不多完結就會收到一個SMS，叫大家填問卷，憑完成畫面就可以去換禮物，之後就走得。記得坐近後排，講座結束後可以早啲去排隊換禮物，唔使排咁耐。禮物係U型枕同埋Mustela試用套裝，U型枕可以墊住媽媽條腰，瞓得舒服啲，之後又可以俾bb飲完奶瞓喺上面，防吐奶瀆親。

We Play N' Learn